[i569]                                        DE LAVILLE DE PARIS.                                             81.
1569.
MOIS DE JANVIER MIL Ve SOIXANTE NEUF.
CXLVIII. ----- POUR FAIRE PRESTER SERMENT AUX CONSEILLERS DE LA VlLLE.
2 janvier i56g. (Fol. i4o v°.)
« Très chers et bien amez, affin que les affaires de vostre Ville puissent estre régies et administrées avecq tant plus de seuretté et fidélité, nous avons advisé de faire faire le serment M aux Conseillers du corps d'icelle vostredicte Ville, ainsy que l'ont faict ceulx de noz autres villes. Vous mandons et ordonnons à ceste cause que, incontinent la presente receue, vous aiez à faire assemblée et convocation desd.
Conseillers et prendre d'eux le serment de fidélité, ainsy et en la forme qu'il a esle faict ès autres villes de cestuy nostre royaulme, et vous ferez chose que nous aurons fort aggreable.
"Donné à Sainct Maur des Fossez, le n" jour de Janvier îôGg.n
Ainsy signé : " CHARLES «.
Et au dessoubz : "de L'Aubespine d.
CXLIX. — Pour exclure ceux de la nouvelle religion des assemblées de la Ville.
2 janvier i56g. (Fol. i4i r°.)
"De par le Roy.
" Très chers et bien amez, comme nous ne voullons et n'entendons doresnavant nous servir de ceulx qui sont de la nouvelle relligion <2>, aussy ne voullons nous pas que au maniement des affaires de vostre Ville ilz se trouvent et assistent aucuns qui soient recongneuz et remorquez pour telz, à cc que Ies affaires de vostred. Ville soient tant mieulx régies et gouvernées. A ceste cause, nous voulons ct vous man­dons que vous aiez à faire exacte perquisition de ceux du corps d'icelle vostredicte Ville qui seront de ladicte qualité, ct que à ceux qui s'en trouverront
vous faictes faire deffence d'assister et se trouver ès assemblées qui se feront pour les affaires ét négoces de vostredicte Ville, et en leur lieu en eslire et com-mectre d'autres de ia bonne vye, meurs et conver­sation catholicque, desquelz vous aiez de longtemps faict preuve. Et vous ferez chose grandement prouf-fitable au bien et prosperité de voz affaires, et à nous très agreable.
«Donne à Sainct Maur des Fossez, le n° jour de Janvyer 156g. d
Ainsy signé : "GHARLES».
Et au dessoubz : "DE L'Aubespine ».
(1) Dès le 24 décembre précédent, Charles IX avait écrit au Parlement, au sujet du serment des bourgeois el habitants de Paris, la lettre suivante : "De par le Roy. Nos amez et feaulx, desirans tousjours nous assurer de plus en plus des habitans de nostre ville de Paris et les garder de surprinse, nous avons advisé faire reilerer ausd, habitans le serment de fidélité et de bons et loiaulx subgectz qu'ilz ont cy devant faict et presté. A ceste cause, nous vous prions et neantmoings mandons et ordonnons que, incontinant la presente receue, vous aiez à proceder à la reception du serment desd, manans et habitans, ainsy et en la forme que avez cy devant faict, de laquelle vous devez avoir aultant par devers vous;'el vous ferez chose que nous aurons fort aggreable. Donné à Meleun, le xxim* jour de Décembre 1568-. Signé : "Charles-, et plus bas : ode L'Aubespine». Et sur la superscription : kA nos amez et feaulx les gens tenans nostre Court de Parlement à Paris». Receues le xxix" Decembre 1568 n. (Archives nat, Parlement, reg. du Conseil, X1' 162.5, fol. 121.)
(s) Charles IX avait rendu, dès le 25 septembre i568, à Saint-Maur-des-Fossés, une ordonnance portant que les partisans de la religion réformée seraient exclus des charges de judicature et de finances, et de tous offices royaux en général. Elle sera publiée ci-dessous p. 116, à l'occasion d'un mandement du - juillet 1569, relatif à la révocation de trois Quarteniers qui faisaient profession de la nouvelle religion.
LUPDINEniS -.T10~..t....